من حضرتـك عشـان قلبـي تذلـه ؟

سو اللي براسك ولاتذكـر اسبـاب
لاصرت بايعنـي توكـل علـى الله

مابينـي وبينـك مشاريـه وعتـاب
شف دربك الي جيـت منـه تدلـه

ماراح تغلبني لـو الحـب غـلاب
من حضرتـك عشـان قلبـي تذلـه

في ذمتي لجعلـك عبـره للاحبـاب
لين الخليل يتوب عن جـرح خلـه

زلاتك اللي مانفـع فيهـا احسـاب
لاجيـت اعددهـن ثمانيـن زلــه

احرجتني بين القرايـب والاحبـاب
كن الجفـا سيـف بوجهـي تسلـه

ماكنت اقصر فيك من كثر الاعجاب
يومك تساوي عنـدي الكـون كلـه

كنت القريب وكلهم كانـوا اغـراب
حتى القمر لاغـاب شفتـك محلـه

خلاص لاترجع ترا خاطري طـاب
ابي ترا اللي كنـت عايـش بظلـه

رح واعتبرني واحد اذنـب وتـاب
مانـي بثـوب تلبسـه ثـم تمـلـه

مايجتمع بالحـب صـادق وكـذاب
رزقي على الله وانت رزقك على الله