الجاني

يبة تكفى عشان الحلم مايصبح سراب اليوم
يبة تكفى عشان الحلم ما يزود لي احزاني
يبة تدري تراة اليل يغطي جرحي المسقوم
وينزف كل مافي داخلي ويصك بيباني
ويحرمني لذاذ العيش ..يحرمني لذاذ النوم
ويعطي قلبي هموم وسهر واشب دخاني
واعيش الحزن في دنيا كبيرة هانية باللوم
انا المجني علية ودمعي اللية هو الجاني
كفاية لوم وعتاب وكفاية هموم وسط هموم
كفاية حلمي الضايع تعبني حيل واشقاني
كفاية ياسنين الحزن تغطين الليال حلوم
ويطلع لي صباح الغد وانا مابين جدراني
تعبت من الالم لكن لقيت ان الامل مرسوم
على مبسم قصيد الصبح يومة هز وجداني
يبة واقولها صادق بصدري ضيقة ومكتوم
ولا ادري وش سبب هالضيقة اللي نار تصلاني
حرام يموت حلمي وانت عايش يايبة لليوم
عسى الله يطول فعمرك يبة يابسمة ازماني