علامة يساوي

اطلق عنان الفكر ماحسب مخاسير
لاني جزيل الفكر ماني خلاوي
اجيبها فكره واصدر تفاكير
وانقش على صم الحجر لي مناوي
وشعار جيلي غارقة بالتصاوير
مابين تحديث الجمل والغناوي
هذا ينمق ضحكتة للجماهير
وهذاك يامسكين صاير هواوي
صفحات بيضا وقعو يامشاهير
خلو الذيابة مع بعضها تعاوي
والشعب مايدري عن اهل المناشير
قوم تغلف حقدها بالسلاوي
وحنا على نهج المودع طوابير
عادي نماشي الوقت لي صار غاوي
نسخر من انفسنا ونضحك تكاشير
ونبكي على انفسنا ولاحن نراوي
نؤمن بما ياتي لنا في المقادير
بس اننا نبذل فهذي شقاوي
وامالنا بكرة تجينا مياسير
واحلامنا نقط نقط في الحكاوي
هذا هو المنطق وخل المعاذير
علامة يساوي علامة يساوي